عالم الإنمي
أهلا وسهلا بك في منتديات عالم الانمي لكل محبي الانمي وعشاقها ندعوك للإنضمام إلى اسرتنا تفضل بالتسجيل



 
الرئيسيةالمجموعاتالتسجيلدخول

شاطر | 
 

 تقرير عن فرقة اراشي اليابانية

اذهب الى الأسفل 
كاتب الموضوعرسالة
anime girl
Admin
Admin
avatar

الانمي المفضل : ناروتو_بليتش_دروبي مع دوريمي
انثى عدد المساهمات : 133
نقاط : 412
السٌّمعَة : 5
تاريخ التسجيل : 16/04/2010
العمر : 22
الدولة : السعودية

مُساهمةموضوع: تقرير عن فرقة اراشي اليابانية   الجمعة سبتمبر 17, 2010 6:56 am

هذي فرقة يابانية مكونة من 5 أولاد كل واحد يقول الزود عندي يهبلووون


أراشي طلعوا من تقريبا سنة 1996
و هم ربع يعني مع بعضهم من كانت اعمارهم 11,13 كذا تقريبا .. و رووعه
أعضاء الفرقة اللي ماخذين لي عقلي

القائد
大野智
أوهنو ساتوشي
Satoshi Ohno

عمره :26 سنه
عمله :مغني

26 November 1980:يوم ميلاده
A:فصيلة الدم
مسكيييييييين و الله يهبل و يكسر خاطري لاعبييين فيه لعب و الله و لا كأنه القائد
اصلا هو ما كان يبي >_> هم اللي قطوها عليه في أحد البرامج
هو مسكيين واحد مفهي و في حاله و هم لاعبين فيه يا حليله و الله اني احبه و ما شاء الله عليه رسام يعرف يرسم و لو كان ما اشتغل مغني قال انه يبي يصير رسام بس هو أكثر واحد يضحكني يموووت ضحك لا
و بالاضافه الى ذلك في برنامجهم
G no Arashi
يسوي نفسه شخصيه عشانه القائد بس في اغنيه البدايه لكن بس يبدا البرنامج يرجع اوهنو المعتاد




مغني
松本潤
جون ماتسوموتو
Matsumoto jun


جميل وهو اللي خلا الفرقة مشهوره

عمره: 24 سنه

عمله: مغني, مقدم برنامج , ممثل

30 August 1983يوم ميلاده

A:فصيلة الدم

طوله:173سم

وزنه :53 كلغ

Matsujun , Jun , Jun-kun ينادونه :ماتسو جن
.. مثَل في كذا مسلسل و تمثيله فظيييييع يخليك تحس ان ماحد يصلح للدور غيره طحت عليه من مسلسل Hana Youri Dango اللي كان مانجا و سووها انمي و الحين صار دراما Live Action

الولد خطييير أول ما تشوفونه تفكرونه cool و هو فعلا كوول و ما يتكلم واجد (مع انه في الواقع ماهنا زود يونس) بس بعد شخصيته تهبببل بس يقطط تعليقات و واحد رياضي يعرف يلعب كورة و مجنوون في شي اسمه هاري بوتر , كله يقرى يقرى يقرى كتب << يعني مثقف .. و يعصب بسرعه ! و لما يصير مع الاطفال ما يعرف يتصرف ! تحفه !اتعب و انا اقول خطير !بتمالك نفسي و بوقف إلى هنا ..


مغني راب
櫻井翔
شو ساكوراي
Sakurai shou



عمره: 24 سنه

عمله: مغني , ممثل

يوم ميلاده: 25 January 1982

فصيلة الدم: A

طوله: 170 سم

ينادونه: Sho-kun

هذا كوووووووول cool هالثنين يجننوون ماخذ دور الراب في اغانيهم يعني يدعوس راب ياباني خطيير ,و لاعب في اوهنو لعععب بس يهبل يهبل روحه رياضيه بعد و متخرج من كي-او هذي تقريبا تجي بعد توداي في المقام و كله يعايرونه فيها يقولون شجابك لشركه جوني ! انت متخرج من كي-او من يصدق! بس يستاهل يقولون انه كان جاد في دراسته, بس يسمع الاغاني وقت فراغه و يكتب الراب حقهم و بلبل في الانجليزي << هذا عاد طفره عند اليابانيين ..(امه مدرسه انجليزي و ابوه متخرج من توداي) يجننن مثل في مسلسل Yioko No Mikata كان شكلله كييوووت مره هو و يا ماتسوجن كانوا يمثلون مع بعض و هم صغار في برنامج Sound Story درامات قصيره ما تتعدى الـ 6 دقايق بس تضحك .. انا احبببه احس مفروض هو القائد حتى يوم كانوا يرشحون القائد كانوا مرشحينه بس السالفه استهبال ..كما سبق الذكر


مغني

相葉雅紀
آيبا ماساكي

Masaki Aiba


عمره : 24 سنه

عمله: مغني, ممثل , مقدم برنامج و يشتغل في حدايق الحيوان

يوم ميلاده: 24 December 1982

فصيلة الدم: AB

ينادونه : أيبا – تشان Aiba-chan , Aibaka , Aiba-kun ,

يهبل اهو كيوووت .. بزززر و حركاته طفوليه خفيف دم .. اول ما تشوفه في برامجهم المعتاده و للا البرامج الثانيه يعني مب الفيديو كليبات حقتهم , يدخل القلب .. يمكن شكله مب مره بس يدخل القلب يههبل .. و يعرف يتصرف مع الاطفاال وناسه يعني في برنامجهم Mago Mago Arashi kodomo no bangohan محد يفلح مع الاطفال زيه ! يلعب و يدخل جو وياهم و هم يستانسون عليه !و كل الي تعاملوا معه يقولون انه يضفي جو سعاده لما يصيرون معه, أيبا حساس .. يعني مره كان مسوي مفاجأه انه بيقدم رسالة شكر لفرقته أراشي فقام يقراها و كان متأثر لانهم وقفوا معه يوم أزمته (عنده مشاكل في الرئه) جلس يصيح .. و كلهم قاموا يصيحون قلوبهم عند بعضها مب احنا الله يخلف .. و عنده عقده من الجدات و العجايز المعجبين فيه .. اذا شافهم يحط رجله و ينحاااش << شكله متعقد .. و هو في برنامجهم A no Arashi ينقال له عالم .. يسوي تجارب و مدري ايش و يجرب الناتج في باقي اعضاء الفرقه بس يضحكوون يعني حتى برامجهم توونس و يااما كانت تجاربه فااشله .. لا و يحب الحيوانات هذا اللي خليني احبببه أكثثر !

مغني

二宮和也

نينوميا كازوناري

Kazunari Ninomya



عمره :23 سنه

عمله: مغني و ممثل

يوم ميلاده:17 June 1983

فصيلة الدم: A

طوله: 168 سم

وزنه:53 كلغ

ينادونه: نينو Nino , Ninomya-kun

هذا ما احبه وااجد وجهه baby face يعرف يعزف عـ الغيتار, في برنامجهم G no Arashi كان يسوي فيهم مقالب و يرتااعوون و يعرف يمثل البراءه .. و مسكيين اوهنو كله تطيح فيه .. يسوي له اشياء ! مسكييييييييين يكسر الخاطر و الله الله يصبره عليهم .. يجي نينو يتحرش في اوهنو قبل لينامون يقوم اوهنو يمردغه عدل يكففخه << ما ينلام صراحه .. و لكن ,فجأه ! .. يكح نينو "دم" !!!! .. اوهنو وجهه ينققلب و الالوان كله تصير في وجهه و يتغير و شوي بيصييح .. يلتفت عليه و يقعد يضحك يقول "سويتها,نجحت" و يقومون يطنزون على وجه اوهنو >< مسكيين , يروح لأيبا .. بعد ما قدموا اغانيهم عـ المسرح بيروحون يرتاحون خلف الكواليس .. يدخل أيبا الغرفه و ينصرع .. و يطلع برى يركض .. ايش كان في الغرفه ؟ .. عجوززاات << أيبا متعقد .. يروح يخانق نينو يقول له " انت جايب كل الجدات هنا؟"

و هكذا ..

الرجوع الى أعلى الصفحة اذهب الى الأسفل
http://raghad.rigala.net
الوحيده



عدد المساهمات : 15
نقاط : 17
السٌّمعَة : 0
تاريخ التسجيل : 25/05/2010

مُساهمةموضوع: رد: تقرير عن فرقة اراشي اليابانية   الجمعة سبتمبر 17, 2010 8:37 am

انا احب هاذي الفرقة
مشكوره خيتو عالتقرير الحلو من مديره احلى
الرجوع الى أعلى الصفحة اذهب الى الأسفل
anime girl
Admin
Admin
avatar

الانمي المفضل : ناروتو_بليتش_دروبي مع دوريمي
انثى عدد المساهمات : 133
نقاط : 412
السٌّمعَة : 5
تاريخ التسجيل : 16/04/2010
العمر : 22
الدولة : السعودية

مُساهمةموضوع: رد: تقرير عن فرقة اراشي اليابانية   الجمعة سبتمبر 17, 2010 8:42 am

العفو خيتو
نورتي بمرورك وطلتك الحلوه
الرجوع الى أعلى الصفحة اذهب الى الأسفل
http://raghad.rigala.net
 
تقرير عن فرقة اراشي اليابانية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم الإنمي :: الاقسام الاسيويه :: مشاهير اسيا-
انتقل الى: